Mon01222018

وروستی بدلون11:59:55 غ.م.


شاته خبرونه


وروستي خبرونه

د طالبانو مشر ملا محمد عمر وفات شوی دی

چارشنبه، 29 چنګاښ 1390 | وخت: 10:38

ملا عمرد طالبانو لخوا غورځنګ ويب پاڼي ته په راغلې اعلاميه کې ليکل شوې چې د طالبانو مشر ملا محمد عمر مجاهد د ورپېښي ناروغۍ له کبله د تېري جمعې په ورځ د چنګاښ په ۲۴ مه وفات شوی دی.

د طالبانو په اعلاميه کې راغلې چې د ملا محمد عمر پر ځای ګل آغا د طالبانو د امير په توګه ټاکل شوی دی. د اعلاميې په نقل ګل آغا دطالبانو دمالي کمیسیون پخوانی مسؤل او د رهبري شوری لوړپوړی غړي دی. ګل آغا دامیرالمؤمنین سره نژدې اړيکې درلودی او هغه ته يې زیات درناوي درلود.

نور ولوله...

د پاکستان ولسمشر اصف علي زرداري افغانستان ته رسیدلی

سه شنبه، 28 چنګاښ 1390 | وخت: 17:31

Karzai, Zardari

د پاکستان ولسمشر اصف علي زرداري نن په يوه رسمي سفر کابل ته راورسېد.

د ولسمشر د وياند مرستيال احمد ضياء سيامک هروي وويل، چې د پاکستان ولسمشر کابل ته را رسېدلى او له ولسمشرکرزي سره  په خبرو  بوخت دى.

د پاکستان د بهرنيو چارو وزارت پرون ناوخته اعلان وکړ، چې  ولسمشر زرداري  به له يوه  لوړ پوړي پلاوى سره نن کابل ته  لاړ شي ، چې د سفر موخه يې د ولسمشر حامد کرزي د ورور احمد ولي کرزي  فاتحه کول دي.

د بهرنيو چارو وزارت لخوا په يوه خپره شوې خبرپاڼه کې ويل شوي ، چې دواړه ولسمشران به په يو شمېر سياسي، اقتصادي او سوداګريزو موضوعاتو هم خبرې وکړي.

احمد ولي کرزى تېره اونۍ په کندهارښار کې د خپل يوه ساتونکي سردار محمد لخوا ووژل شو.

په کابل کې د پاکستان سفارت هم دغه سفر تاييد کړ او ويې ويل، چې په دې پلاوي کې به ددفاع وزير احمد مختار ،د کورنيو چارو وزير رحمن ملک او يو شمېر نور چارواکي شامل وي.

د يادونې ده ، چې تېره مياشت  ولسمشر حامد کرزى ديوه لوړ پوړي پلاوي په مشرۍ اسلام اباد ته تللى و.

افغانستان ته ولسمشر زرداري په داسې حال کې سفر کوي چې په دغه هیواد کې سږ کال په امنیتي پېښو کې ولسي او حکومتي کسانو ته د نورو کلونو په پرتله ګڼه مرګ ژوبله اوښتې.

کابل: د ولسمشر کرزي سلاکار او د ولسې جرګې غړی ووژل شول

یکشنبه، 26 چنګاښ 1390 | وخت: 21:20

د ولسمشر سلاکار جان محمد خان{غورځنګ] د روزګان پخوانی والي او د ولسمشر کرزي سلاکار جان محمد خان او د ولسې جرګې غړی محمد هاشم وطن وال د يوه ډله بريد کوونکو لخوا په کابل کې ووژل شول.

د خبر له مخې درې تنه ځان وژونکې د کابل په څلرمه کارته کې د ولسمشر د سلاکار کور ته ورننوتې او همدا شيبه د دغو بريدوکوونکو او امنيتي ځواکونو تر منځ درنه جګړه روانه ده.

ځينو رسنيو ويلي چې د پېښي سيمي ته د جمهوری رياست د ګارد ساتونکې هم ورغلي دي.

نور ولوله...

جان الن په رسمي ډول په افغانستان کې د بهرنيو ځواکونو قومانده په لاس کې واخیسته

دوشنبه، 27 چنګاښ 1390 | وخت: 17:01

ISAF new commander

په افغانستان کي د بهرنيو ځواکونو عمومي قومندان جنرال پيترويس تر يوه کلن ماموريت وروسته خپله دنده پای ته ورسوله او خپل ځای يې جنرال جان الن ته ور پريښود.

جنرال پیتراییس نن (دوشنبه) په کابل کې د نړیوالو ځواکونو په مرکز کې جنرال الن ته د نړیوالو ځواکونو د عمومي قومندان مسوولیت رسماً وسپاره.

پترويس، خپل هيواد ته په رسيدو سره، د مرکزي استخباراتي اداري، CIA، رياست په غاړه اخلي.

ولسمشر حامد کرزي په افغانستان کې د ناټو او امریکایي ځواکونو عمومي قومندان جنرال ډیویډ پیترویس کارونه وستایل او هغه ته یې د غازي محمد اکبرخان دولتي مډال ورکړ.

د ولسمشر د ویندوی له دفتره په خپره شوې خبرپاڼه کې راغلي، چې ولسمشر ډیویډ پیترویس ته دغه مډال د دې لپاره ورکړ، چې نوموړي په افغانستان کې د خپل  ماموریت په مهال په امنیتي چارو کې ګړندۍ  هلې ځلې کړي دي.

دیويډ پيټریاس په داسې حال کې خپله دنده سپاري چې په هیواد کې د تشدد پېښې زیاتې شوې دي، بیګا شپه د ولسمشر کرزي سلاکار د اورزګان پخوانی والي جان محمد خان د هغه په کور کې په یوه وسله وال برید کې ووژل شو.

افغان ځواکونو ته د واک سپارلو لړۍ نن په رسمي ډول پيل شوه

یکشنبه، 26 چنګاښ 1390 | وخت: 14:19

afghan forcesد بهرنيو ځواکونو له خوا افغان ځواکونو ته د امنيتي واک د سپارلو لړۍ نن په رسمي ډول پيل شوه. د دغې لړۍ پيل د باميانو له ولايت څخه وشو.

په يوه رسمي غونډه کې چې نن سهار په باميانو ولايت کې پیل شوې افغان ځواکونو ته د واک د لېږد د کميسيون مشر اشرف غني احمدزی، د دفاع وزير عبدالرحیم وردګ، د کورنيو چارو وزير بسم الله محمدي او يو شمېر نور جګپوړي امنيتي چارواکي او د باميانو ولايت چارواکي ګډون لري او د واک د لېږد په اړه به دغه غونډه د نن ورځي تر پايه دوام وکړي.

افغان ځواکونو ته د امنيتي واک د لېږد لړۍ - چې تر ۲۰۱۴ کاله به بشپړېږي - لومړی په اوو سيمو کې پلي کېږي چې هغه د کابل، پنجشېر او باميانو ولايتونه او د هرات، مزارشریف، لښکرګاه او مهترلام ښارونه دي.

د امنیتي چارو د انتقال بهیر نن په رسمي ډول له بامیانو ولایت څخه پیل شو

یکشنبه، 26 چنګاښ 1390 | وخت: 14:18

afghan forcesله بهرنيو ځواکونو څخه افغان ځواکونو ته د امنيت د لېږد پروسه نن په رسمي ډول له باميانو ولايت څخه پيل شوه.

د باميانو ولايت وياند عبدالرحمن احمدي وويل، چې د امنيت د لېږد پروسه نن سهار د کورنيو چارو وزير، دفاع وزير، د امنيت د لېږد د پروسې د کمېسيون د رييس، د باميانو د مشرانو او چارواکيو په حضور د يوې رسمي غونډې په ترڅ کې پيل شوه.

هغه زياته کړه، چې په دې غونډه کې له بهرنيو ځواکونو نه افغان ځواکونو ته د امنيت د لېږد د څرنګوالي او د امنيتي تدابيرو د نيولو او همغږۍ په اړه خبرې روانې دي.

نور ولوله...

بغلان: نامالومو کسانو د واده په مراسمو کې دوه کسه ووژل

یکشنبه، 26 چنګاښ 1390 | وخت: 13:20

بغلان ولايت بېګا شپه د بغلان ولايت په بغلان جدید ولسوالۍ کې ناپېژندل شويو وسله والو کسانو د واده مراسمو ته په ورننوتلو په خلکو ډزې وکړې او په ترڅ کې يې دوه مېلمانه ووژل او اوه تنه نور يې ژوبل کړل.

د بغلان ولايت وياند محمود حقمل له رسنيو سره په خبرو کې دا پېښه تاييد کړې او ويلي يې دې چي د پېښي په اړه پلټني پيل شوې دې، چې مالومه کړې دا کار د چا لخوا ترسره شوی دی.

د پېښي مسؤوليت تر دې دمه چا په غاړه نه دی اخستی، طالبانو هم په دې اړه څه نه دي ويلي.

خوست: ناټو ځواکونو يو ځل بيا ۸ تنه ملکي وګړي ووژل

پنجشنبه، 23 چنګاښ 1390 | وخت: 16:39

khost civilians diedناټوځواكونو د خوست په مركز متون كې د ښځو اوماشومانو په ګډون د درو كورنيو اته غړي وژلي او ټپيان كړي دي. په وژل شويو كې يوه پېغله او په ټپيانو كې د همدې مور، دوه د ښوونځي زده كوونكي، يو ښوونكى او يو هم د والي د دفتر مامور دى.

د سيمې خلكو د همدې كسانو جسدونه د خوست ولايت مقام او ولايتي شورا ته د احتجاج په ډول راوړي وو، كه څه هم ولايتي شورا د احتجاج په توګه خپل دفتر وتړلو خو د ولايت له مقام څخه څوك ورته راونه وتل. ناټوځواكونو او ځايي چارواكو تراوسه په دې اړه څه نه دي ويلي.

نور ولوله...

د کندهار د علماوو د شورا رييس ووژل شو

پنجشنبه، 23 چنګاښ 1390 | وخت: 13:02

archiveد کندهار د والي وياند زلمي ايوبي له رسنيو سره په خبرو کې ويلي چې د کندهار د علماوو شورا رييس مولوي حکمت الله حکمت په يوه چاودنه کې نن غرمه ووژل شو. دغه چاودنه په کندهار ښار کې د يوه جومات په محراب کې رامنځته شوه. په دغه جومات کې د احمد ولي کرزي د فاتحې مراسم روان وو چې دا چاودنه وشوه.

ويل کېږي په پېښه کې يوولس نور کسان ټپيان شوي هم دی، خو تر دې دمه د پېښي کره معلومات نه دي خپاره شوي.

دا چاودنه وروسته له هغه رامنځته کېږي چې د تېر سی شنبي په ورځ په کندهار کې د ولايتي شورا رييس او د ولسمشر کرزي ورور احمد ولي کرزی د خپل يو تن باوري ساتونکې له خوا ووژل شو.

وروستي خبرونه

د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

دهلمند ولایت دمطبوعاتي دفتر یوه خبرپاڼه وايي دغه بريد د سه شنبې په ورځ مازديگرد څلوروبجوپه شاوخوا كې...

مصر: اخوان المسلمین له خپلو سيالانو د راي-شمېرنو د منلو غوښتنه وکړه

د اخوان المسلمين ګوند چې د مصر د پارلماني ټاکنو په لومړي پړاو کې يې نږدې ۶۲ په سلو کې څوکۍ خپلې کړې ...

لوګر: په ځانمرګي بريد کې ۷۰ ملکي وګړي ټپيان شوي

نن جمعه د سهار په اتو بجو او دېرشو دقيقو د لوګر ولايت په محمد آغې ولسوالۍ کې د بهرنيو ځواکونو پر مرک...

دوديزه لويه جرګه به سبا په کار پيل وکړي

له پلان سره سم ټاکل شوې دوديزه لويه جرګه سبا د لړم په پنځه ويشتمه د لويي جرګې په خيمه کې په کار پيل ...

کابل: په ځانمرګي بريد کې ۱۳ بهرني سرتېري ووژل شول

نن غرمه مهال د کابل د دارالامان قصر ته څېرمه د بهرنيو ځواکونو پر کاروان يو ځانمرګی بريد ترسره شو. په...

  • د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

    چارشنبه, 28 دسمبر 2011
  • مصر: اخوان المسلمین له خپلو سيالانو د راي-شمېرنو د منلو غوښتنه وکړه

    شنبه, 03 دسمبر 2011
  • لوګر: په ځانمرګي بريد کې ۷۰ ملکي وګړي ټپيان شوي

    جمعه, 02 دسمبر 2011
  • دوديزه لويه جرګه به سبا په کار پيل وکړي

    سه شنبه, 15 نومبر 2011
  • کابل: په ځانمرګي بريد کې ۱۳ بهرني سرتېري ووژل شول

    شنبه, 29 اکتوبر 2011