Mon02192018

وروستی بدلون11:59:55 غ.م.


شاته فرهنګ فرهنګ او ادب شعرونه لنډۍ او شعرونه


لنډۍ او شعرونه [امرالدین سرحد]

  • پي‌ډي‌ایف
چارشنبه، 20 غوی 1391 | وخت: 19:42

سترګک دسترګو پلو لاندی

موسکا دشونډو ورسره اوربلوینه

خندا دتا سپین دی غاښونه

مرورزړه مې دکلوپخلاکوینه

کوڅئ دی دری ځلی اوبدلي

دخامکې ټټرپه مخ قدم وهینه

څنګ ته مې کینه زړه مې ژاړي

ستا دښکلا په کتو ګوندې صبر شینه

غوږدی نژدی نیسه دی غږ ته

پټي خبري په شپیلئ کښې درلیږمه

زه او ته ناست یوڅنګ په څنګ کښې

دمیني زړونه شنه اسمان هوس کوینه

داخیالي ستوري مونږ ته ګوري

په موسکا شونډویې رڼا راوروینه

دادنیاګئ دمینی ساته

دغوټئ پاڼه ده خزان به یې مړاوي کړینه

۱۹.۰۴.۲۰۱۲

 

رنګ د زمانی ځانته ښکلا لری : امرالدین سرحد

رنګ د زمانی ځانته ښکلا لری

هر چاته جلا جلا مانا لری

ځینې ورته ګوری څې صبا شي شپه

ډاریې له تیارو ده څې بلا لری

ځینې کړي څیړني هم په شپه او ورځ

دوي ته دا توپیرهم مخ او شا لری

یو ورته کړی فکردبدولون په لور

بل ورته بیا هیله د صبا لری

هر څه په بدلون کښې دی زمان سره

ژوند هم سرچینه او انتهالری

کله څې ښیګڼي کړی هر چا سره

پوخ عاقل عمل دی پوه آشنا لری

اوس دزمانی بدلون چټک بریښې

دی کښې پوه انسان دی څې بقا لری

مسکو

۲۸.۰۴.۲۰۱۲

 

امرالدین سرحد:لنډئ

کله ته اور کله اوبه شی

زه له اوبونه ستا په اورخوشاله یمه

مینه انګار،سپرغئ یې هیلي

تازه یې ساته څې ایری نشي مینه

موسکا د شونډو نازدسترګو

لکه دپوخ ښکاری نښان ټکی وهینه

موسکا دسرو شونډو ښکلا ده

لږ څې نرئ شي د خندا هیله کوینه

سترګو ته ګوره لمدي ښکاري

له ګیلو ډکي سړي اوښکي تویوینه

اوښکي په څاڅکو ګوره شمیره

مین زړګي نه په ژړا راغلي دینه

په زړه کښې اور دمیني بل شو

شونډي اوسترګي خوشالی ورته کوینه

سپوږمئ ته ځیرشه حال مې ګوره

له وریځو لاندی دلمر وړانګي لټوینه

تمه دمیني او ږد مزل دی

ترهغو ځم څې خوار زړګې راسره ځینه

مسکو ۲۹.۰۴.۲۰۱۲

 

 

ای وطنه : امرالدین سرحد

تل دی یادومه ای وطنه په سندرو کښې

مینه دی توده ده زما رګونوکښې

ویاړم څې جرګي په تا راټولي دي

نیغه دی شمله ده محفلونوکښې

تل دی یادومه په سندروکښې

 

خلک نن لړلی په سرووینودي

لږڅه پریشانه له پردیودي

تیری به ناخوالی شي په تا باندی

نوم دی مدام لولم تاریخونوکښې

تل دی یادومه په سندروکښې

 

ستا د زړګی ټپ ته به ملهم شمه

ستا دپرمختګ شاته اړم شمه

مخ د ماشومانو په ښونځیوشي

جوړدی پوهنځي شي په ښارونوکښې

تل دی یادومه په سندروکښې

 

غواړم کروندي شني په غنمو شي

جوار،اوربشي لو بیا په بزګرو شي

کليو هم ښاروکښې غلي ډیري شي

سترګي شي مړي په بازارونوکښې

تل دی یادومه په سندروکښې

وروستي خبرونه

د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

دهلمند ولایت دمطبوعاتي دفتر یوه خبرپاڼه وايي دغه بريد د سه شنبې په ورځ مازديگرد څلوروبجوپه شاوخوا كې...

مصر: اخوان المسلمین له خپلو سيالانو د راي-شمېرنو د منلو غوښتنه وکړه

د اخوان المسلمين ګوند چې د مصر د پارلماني ټاکنو په لومړي پړاو کې يې نږدې ۶۲ په سلو کې څوکۍ خپلې کړې ...

لوګر: په ځانمرګي بريد کې ۷۰ ملکي وګړي ټپيان شوي

نن جمعه د سهار په اتو بجو او دېرشو دقيقو د لوګر ولايت په محمد آغې ولسوالۍ کې د بهرنيو ځواکونو پر مرک...

دوديزه لويه جرګه به سبا په کار پيل وکړي

له پلان سره سم ټاکل شوې دوديزه لويه جرګه سبا د لړم په پنځه ويشتمه د لويي جرګې په خيمه کې په کار پيل ...

کابل: په ځانمرګي بريد کې ۱۳ بهرني سرتېري ووژل شول

نن غرمه مهال د کابل د دارالامان قصر ته څېرمه د بهرنيو ځواکونو پر کاروان يو ځانمرګی بريد ترسره شو. په...

  • د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

    چارشنبه, 28 دسمبر 2011
  • مصر: اخوان المسلمین له خپلو سيالانو د راي-شمېرنو د منلو غوښتنه وکړه

    شنبه, 03 دسمبر 2011
  • لوګر: په ځانمرګي بريد کې ۷۰ ملکي وګړي ټپيان شوي

    جمعه, 02 دسمبر 2011
  • دوديزه لويه جرګه به سبا په کار پيل وکړي

    سه شنبه, 15 نومبر 2011
  • کابل: په ځانمرګي بريد کې ۱۳ بهرني سرتېري ووژل شول

    شنبه, 29 اکتوبر 2011