Wed01242018

وروستی بدلون11:59:55 غ.م.


شاته خبرتياوي او پيغامونه خبرتياوي د پښتون قامي جرګي مطبوعاتې اعلامیه


د پښتون قامي جرګي مطبوعاتې اعلامیه

پنجشنبه، 21 تلې 1390 | وخت: 18:17

د پښتنوقامي او روحاني مشر محمدافضل خان (خان لالا) په نژدي راتلونکې کې د يوي مهمي پښتون / افغان قامي جرګي د رابللو پریکړه کړی ده.

افضل خان لالا د ۲۰۰۸ ميلادي کال راهیسي پښتنو/افغانانو ته د داسي جرګي دبلني خبره کوي او اوسني حالات داسی يوې جرګي جوړولو ته مناسب ګڼي.

ددی قامي (ملي) جرګي موخه او هدف به دا وي چې څنګه د پښتون / افغان قوم بیلابیل نظرياتي قشرونه او طبقي د پښتون د قامي وحدت د شعاراوهويت لاندي په يوه ټغر راغونډکړي .

د پښتون / افغان قوم تاريخ او هويت دتيروڅو لسیزوڅخه راپديخوا د داخلي او بهرني دښمنانوله لاسه داسي يو حالت غوره کړي چې د يو شاعر په قول تيار د ليوني شليدلي ګريوان دي .

تر څو چې پښتون د قوم په حيث ديوه قومي تشخص،هويت او پيژندګلوئ جوګه نه شي، نو ددي قوم درست تعريف نشي کيدلي ؟.

دا د پښتون /افغان طبعي حق دي چې د يوويشتمي پيړۍ په پيلامه کې خپل تشخص او هويت څرګندکړي .

دغی جرګي ته به د فاټا(قبائیلې علاقو)، خيبر پښتونخوا، افغانستان ، د بلوچستان ايالت (سهيلي پښتونخوا) ميشت پښتانه،

هغه پښتانه چې بی کوره شوی او د زیاتیدونکي منتشر شوی ابادئ برخه جوړه شوی،اودغه رازله هیواده بهر، اروپا،امريکا او استرالیاکې ميشته پښتانه به دسیاسي تړاو او نظریاتې اختلاف نه پرته رابللي شي .

د جرګي خبري به د ورورولۍ او پښتونولۍ په چوکاټ کې وي او هيڅوک به داحق نلري چې خپل فکر او نظر په زور په بل چا قبول او يا وروتپي !

جرګه به په دوه ټکو خبري کوي:

لمړي : د ديرشو کلونو راهیسي دپښتنو/افغانانوخاوره او هيواد د دوؤ نړيوالو سوپرطاقتونو دسياست دجنګ ډګر وګرځيده!. دالوبه د دغو دواړو طاقتونو لوبه وه،يويې په ګونډه کړ او بل بريالي شو!، سياست د هغوي ؤ، لوبه هم دهغوي وه، خو ددغي لوبې ځاي د پښتنو خاوره او قرباني ئی هم پښتون قوم شو او دی.

دپښتنو/ افغانانو وينه تراوسه پوري ولي بهيږي؟، ولي ددغه زور زیاتې قرباني پښتون/افغان قوم دی، چې له ديرش لکونه زيات پښتانه/افغانان ئې مړه کړل اووژل کیږی؟.

دغه زور زياتي او تشدد يوه تشه رامينځ ته کړيده،او په ډيرو ځايونو کې دغه تشه نابللو ميلمنو ډکه کړيده،چاچې دپښتنود دود،دستور ،رسم ورواج اوعنعناتو څخه نا جایزه ګټه اخستي ده.

دغه نابللي میلمانه د پښتنو په خاوره د ويني بهيدل جاري ساتل غواړي، او دې خاوري او وطن ته د ترهګرئ د اجنډا لاندي وده ورکول غواړي!.

په دغه جرګه کې به په هغو تاريخي او نوولاملونوخبري کيږي چې پښتون / افغان ولي او څنګه په خپله خاوره د ويني تويولو په دغه شيطاني چکر او جال کې د خپلي خوښي نه په غير راګير شو ؟.

دوېم:دپښتون/افغان په خاوره ددغه تشدداو شيطانې عمل او خپور شوي جال مخنیوي به اوس څنګه کيږي ؟؟ .

د پښتنو په ويجاړو شوو او ځپلو علاقو او سيمو کې به دامن او سوکالئ د راوستلو په تړاو اتفاق څنګه راميدان ته کيږي ؟ .

پدي هکله کوټلو، علمې،عملې او سالمومعقولو نظريو او وړانديزونو ته اړتيا ده، له همدي کبله ښاغلی محمدافضل خان لالاپدی اهمه جرګه کې ټولو پښتنوعالمانو، پوهانو،ملي او قومي مشرانو، ديني او مذهبي مشرانو،سياستوالو،د زده کونکو (طالبعلمانو) نماېندګانو، د مزدورانو مشرانو، کسبګرو،سوداګرو، ژورنالستانو،د پښتنو/افغانانو دسيمواوعلاقو عامو مشرانو ته د ګډون بلنه ورکوي .

دلته دا خبره په ډاګه کول اړينه ده او هغه داچې د پښتون قام د علاقائی(سیمه ایزو) اونړیوالو قوتونو سره په تضاد او ټکر کې ندي ،او نه په چا دخپل فکر مسلط کولو څه نړیواله ایجنډا لري او نه دوئ د علاقائی او نړیوالو قوتونو د مقابلې کولو څه طاقت لري نو له همدی امله د پښتون او سیمه ایزو( علاقائی) او نړیوالوقوتونو تر منځ هیڅ ټکرنه شته.

مذهبي انتها پسندي يا افراطيت د پښتون د اکثريت د فکري ، رواجي او عملي څرګندونو استازيتوب او نمايندګي نه کوي.

د نړۍ دنورو ځايونو څخه راغلو اکسټريمستانو،سخت دریزو او تشدد پسندو،مونږ ه په خپله خاوره هرکلي نه شوکولي .

افضل خان لالا د همدغي جرګي په واسطه سره ټولو امن غوښتونکو نړيوالو قوتونو او ملتونو او په ځانګړي ډول افغانستان، پاکستان او امريکا نه هيله کوي چې د پښتون / افغان قوم ددي مهمي قامې(ملې) جرګي ملاتړ وکړی. ددوئ په ملاتړ داجرګه په علاقي او سيمي کې د سوکالئ اوبشپړ امنيت په راوستلوکې مهم کردار لوبولي شي.

ددی جرګي په تسلسل دی بله جرګه په نوبت سره په کابل ، قندهار ، ننګرهار او کويټه کې راوه غوښتل شي .

هیله ده چی پدي قامي(ملي) جرګه کې دخپلې ونډې،ګډون اونظر څرګندولو لپاره په لاندینیوپتو خپلي اړيکي ټينګي کړئ.

Contact Number:

Mohammad Afzal Khan (Swat):0092 946 795333

Asif Ali Khan: 0092333 521 4054

E-mail: دا برېښلیک پته د چټیاتو څخه ساتل کېږي. ته د دې د کتلو لپاره د جاواسکرېپټ فعالولو ته اړتیا لرې

E-mail: دا برېښلیک پته د چټیاتو څخه ساتل کېږي. ته د دې د کتلو لپاره د جاواسکرېپټ فعالولو ته اړتیا لرې

په اروپايې هيوادونو ، امريکا ،کاناډا ، او استرليا کې :

محمد شيرين ګرديوال ، ټيلفون 00491799892913

00491635606732 نصير ستوري ،ټيلفون

د پښتنو د قامي وحدت اودبشپړي خپلواکئ او سوکالئ په هيله .

په درناوی

انجنیر اصف علی خان

وروستي خبرونه

د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

دهلمند ولایت دمطبوعاتي دفتر یوه خبرپاڼه وايي دغه بريد د سه شنبې په ورځ مازديگرد څلوروبجوپه شاوخوا كې...

مصر: اخوان المسلمین له خپلو سيالانو د راي-شمېرنو د منلو غوښتنه وکړه

د اخوان المسلمين ګوند چې د مصر د پارلماني ټاکنو په لومړي پړاو کې يې نږدې ۶۲ په سلو کې څوکۍ خپلې کړې ...

لوګر: په ځانمرګي بريد کې ۷۰ ملکي وګړي ټپيان شوي

نن جمعه د سهار په اتو بجو او دېرشو دقيقو د لوګر ولايت په محمد آغې ولسوالۍ کې د بهرنيو ځواکونو پر مرک...

دوديزه لويه جرګه به سبا په کار پيل وکړي

له پلان سره سم ټاکل شوې دوديزه لويه جرګه سبا د لړم په پنځه ويشتمه د لويي جرګې په خيمه کې په کار پيل ...

کابل: په ځانمرګي بريد کې ۱۳ بهرني سرتېري ووژل شول

نن غرمه مهال د کابل د دارالامان قصر ته څېرمه د بهرنيو ځواکونو پر کاروان يو ځانمرګی بريد ترسره شو. په...

  • د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

    چارشنبه, 28 دسمبر 2011
  • مصر: اخوان المسلمین له خپلو سيالانو د راي-شمېرنو د منلو غوښتنه وکړه

    شنبه, 03 دسمبر 2011
  • لوګر: په ځانمرګي بريد کې ۷۰ ملکي وګړي ټپيان شوي

    جمعه, 02 دسمبر 2011
  • دوديزه لويه جرګه به سبا په کار پيل وکړي

    سه شنبه, 15 نومبر 2011
  • کابل: په ځانمرګي بريد کې ۱۳ بهرني سرتېري ووژل شول

    شنبه, 29 اکتوبر 2011