Wed11222017

وروستی بدلون11:59:55 غ.م.


شاته افغانستان د افغانستان مسايل سياست امریکايي تور لیست د پښتنو په وړاندي یوه بله دسیسه


امریکايي تور لیست د پښتنو په وړاندي یوه بله دسیسه

شنبه، 09 تلې 1390 | وخت: 20:45

american-flag-mapپه سیمه کي روان کړکېچ اوس دومره ابعاد او زویا پیدا کړي چي جاجونه یې د پښتنو په معاصر تاریخ کي د تاریخ لیکونکو خورا ستر مسؤلیت دئ ، په اوس وخت کي د حالاتو شنونکي باید د روانو جریاناتو تل ته کښته سي ، پټ او ښکار ه دښمنان وپېژني او هغه تر پر دې شاته جالونه په ډاګه کړي چي په ډېر مهارت د پښتون قام د ځپلو، ورکولو او شڼدولو په موخه په لروبر کي غوړول سوي دي . 

پر افغانستان د شوروي تر یرغل وروسته چي کله په هیواد کي د پر دیو په وړاندي مقاومت پیل سو، د دین او ټاټوبي دساتني مبارزه تو ده سوه او افغانستان د ګردې نړۍ د پاملرنې محور سو نو له هغه مهاله یو شمېر داسي کړۍ وې چي غوښتل یې پښتانه دژوند په هر ډګر کي وځپي او که یې له وسه پوره سي داسي مرېیان ترې جوړ کړي چي په هرڅه کي ددوئ مرېیان او غلامان وي .

په هیواد کي دننه او بهر پښتون ضد کړیو غوښتل چي له بهرنیانو سره دګډ پلان له مخي پښتانه په هیواد کي دننه د پوهي له نعمته بې برخي کړي او تر هیواد بهر یې نوم داسي بد کړي چي د نړۍ هر سړی کرکه ترې وکړي . که حالاتو ته په دقیق نظر وګورو نو د پښتنو دښمنان تر یوې کچي په خپلو موخو کي بریالي سوي دي تاسو نن پښتون میشتو سیمو ته وګورئ چي د پوهي کچه څومره پکي ټيټه ده ؟ له ختیځه تر لوېدیځه ټول پښتون ملت په یوه نه یوه نوم هره ورځ زورېږي، کورونه یې لوټېږي ، پر عزت یې تېری کېږي ، روغتون یې ورانېږي او ښوونځی یې په بمونو او بمباریو الوزول کېږي چي په پایله کي یې پښتانه د ژوند له لومړنیو اسانتیاوو هم بې برخي دي .

تر دوه زره یو کال وروسته چي کله نړۍ والو په افغانستان کي د تروریزم په پلمه پوځونه ځای پر ځای کړل نو هم په توکمیز توپیر باور درلودونکو د شمالي ټلوالي غړیو له بهرنیانو سره په ګډه دا پلان طرح کړ چي او س د پښتنو د ځپلو ، پر شا ټېلوهلو او پرزولو تر بل هروخت زرین چانس دئ له همدې نه په استفادې یې خپل روزلي اجیران له راغلیو نابللو مېلمنو سره یوځای کړل، هغوئ له څه تحقیق او پلټني پرته دوئ له سیمي د معلوماتو پر راټولولو وګومارل ، هغوئ ته یې په سیمه کي د کشف ماموریت وسپاری او په اصطلاح هغوئ یې منطقوي استخباراتي کسان ول، هغوئ د خپل غوړولي پلان په تطبیق هر هغه پښتون نابللو میلمنو ته د دښمن په نوم ورپېژندی چي دوئ ترې وېرېدل ، د نفوذ او لیاقت څښتن یې ګاڼی او ژوند یې ددوئ لپاره ګټه نه درلوده د همدې توکمیزي دښمنۍ په لړ کي ګڼي پښتنې کورنۍ، کلي، سیمي او عامه غونډي بمبار سوې، سیمیز مشران ووژل سول، په سیمه کي د پرمختیايي پروژو مخه ونیول سوه، د پوهي بهیر په ټپه ودرول سو او پښتانه یوځل بیا د دښمنانو د دسیسو داسي ښکار سول چي ډېره موده به کت سم نه کړای سي .

اوس یوه بله دسیسه دا پر کار اچول سوې چي دښمنان غواړي په اقتصادي ډګر کي هم پښتانه وځپي، مالي سرچینې یې وچي کړي او له راغلیو بهرنیانوڅخه د یوې وسېلې په توګه کار واخلي . په هیواد کي دننه څوکاله وړاندي داسي فکر کېدی چي پښتنانه که نور نه وي نو په اقتصادي ډګر کي یوڅه برلاسي دي، په دې معنی چي د پوځي، علمي ،سیاسي او کولتوري ډګر په پرتله کولای سي چي په دې ډګر کي له نورو سره سیالي وکړي ، پر ځان بسیا سي او خپل اولس په دې اړخ کي له ستونزو وژغوري ، خو دښمنانو دا لوری هم پېژندلی وو او په اهمیت یې پوهېدل له همدې امله یې خپلي ټولي هلي- ځلي پر کار واچولې چي په هره ممکنه وسیله پښتانه په دې ډګر کي هم په ګونډو کړي . دوئ لومړی کار دا وکړ چي په هیواد کي دننه ډېری نوي پلي سوي مالي قرار دادونه یې په خپله اجاره کړل او پښتانه یې په یو اوبل نوم د هغو اخیستو ته پرېنښودل مګر اوس یې یوه بله خورا خطرناکه لوبه دا پیل کړې چي غواړي د پښتنو ملي سوداګر بدنام کړي او په هیواد کي دننه و بهر یې د سوداګرۍ مخه ونیسي ، په دې لړ کي که له یوې خوا په هیواد کي دننه له ترهګرو سره دهکمارۍ او قاچاق په نوم دهغوۍ املاک مصادره او لوټېږي له بلې خوا یې اوس دامریکایانو په مرسته دا پلان پر کار اچولی چي د هیواد ملي سوداګر په تورلیست کي داخلوي او هڅه روانه ده چي دهیواد ملي سوداګر له نړۍ والو په اصطلاح تروریستي شبکو سره په تړاو تورن کړي . څو میاشتي وړاندي چي امریکا کوم تورلیست اعلان کړ په هغه کي مطلوب کسان تقریباًټول پښتانه ول او ویل سوي وو چي دوئ له تروریستانو سره اړیکي پالي، هغوئ ته مالي امکانات برابروي او د لګښتونو تمویل ورکوي . په هغه تور لیست کي ځیني کسان موږ پېژنو هغوئ یوازي خپله سوداګري او تجارت کوي چي له هیڅ ډول وسلوالو شبکو او سازمانونو سره روابط نه لري ، په هغوئ کي یو تن دکندهار نوم وتی ملي سوداګر ښاغلی حاجي عبد الله اودهغه دشرکت نورغړي دي ، نوموړی موږ له نژدې پېژنو، تعلقات ورسره لرو او له ډېره وخته مو شناخته دئ هغه په هیڅ ډول داسي فعالیتونو کي نه نېغ په نېغه ښکیل دئ چي په اصطلاح وسلوال وي او نه د پردې تر شا لاس ورسره لري د هغه دبد نامولو هڅه یوازي په دې موخه سوې چي د پښتنو یو ملي سوداګر دئ وبس .

همدارنګه اوس چي امریکایانو کوم تورلیست خپور کړ بیا ټول پښتانه پکي داخلي سوي او د پښتنو ضد شمالي کړیو او دننه په پښتنو کي ځینو هغو کړیو ښه رول پکي لوبولی چي له ځینو نورو پښتنو قومونو سره زړې دښمنۍ لري . په دې لیست کي داخل کسان ټول زه له نژدې نه پېژنم خو له ښاغلي حاجي ملک نورزي سره نژدې روابط لرو، تګ راتګ موسره سته او په یوه سیمه کي مو وخت سره تېر کړی نوموړی نه یوازي داچي له هیڅ ډول وسلوالو خوځښتونو سره نه نېغ په نېغه او نه د پردې تر شا اړیکي لري بلکي هرورځ په سلګونوزره افغانۍ مالیه اومحصول موجوده دولت ته ورکوي ،خو کورنیو او بهرنیو دښمنانو یوازي په دې موخه د امریکایانو په تور لیست کي داخل کړی چي هغه یو مخور ملي سودا ګر دئ چی د پښتنو شمالي دښمنان یې له پښتونوالي سره مخالف دي او دلته نور یې بیا له خېل سره .

د لرو بر پښتانه باید دې وروستۍ دسیسې ته جدي پاملرنه وکړي کنه د پښتنو اقتصادي حالت به نور هم خراب سي او نتایج به یې تر علمي، پوځي، سیاسي او کولتوري ډګر ډېر بد وي . پښتانه باید نور سره یو سي ، اتفاق وکړي او په اوسني حالت کي د دښمنانو ټولي دسیسې په ګډه شنډي کړي کنه هم به تاریخ او هم به راتلونکی نسل بد پرې وايي .

وروستي خبرونه

د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

دهلمند ولایت دمطبوعاتي دفتر یوه خبرپاڼه وايي دغه بريد د سه شنبې په ورځ مازديگرد څلوروبجوپه شاوخوا كې...

مصر: اخوان المسلمین له خپلو سيالانو د راي-شمېرنو د منلو غوښتنه وکړه

د اخوان المسلمين ګوند چې د مصر د پارلماني ټاکنو په لومړي پړاو کې يې نږدې ۶۲ په سلو کې څوکۍ خپلې کړې ...

لوګر: په ځانمرګي بريد کې ۷۰ ملکي وګړي ټپيان شوي

نن جمعه د سهار په اتو بجو او دېرشو دقيقو د لوګر ولايت په محمد آغې ولسوالۍ کې د بهرنيو ځواکونو پر مرک...

دوديزه لويه جرګه به سبا په کار پيل وکړي

له پلان سره سم ټاکل شوې دوديزه لويه جرګه سبا د لړم په پنځه ويشتمه د لويي جرګې په خيمه کې په کار پيل ...

کابل: په ځانمرګي بريد کې ۱۳ بهرني سرتېري ووژل شول

نن غرمه مهال د کابل د دارالامان قصر ته څېرمه د بهرنيو ځواکونو پر کاروان يو ځانمرګی بريد ترسره شو. په...

  • د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

    چارشنبه, 28 دسمبر 2011
  • مصر: اخوان المسلمین له خپلو سيالانو د راي-شمېرنو د منلو غوښتنه وکړه

    شنبه, 03 دسمبر 2011
  • لوګر: په ځانمرګي بريد کې ۷۰ ملکي وګړي ټپيان شوي

    جمعه, 02 دسمبر 2011
  • دوديزه لويه جرګه به سبا په کار پيل وکړي

    سه شنبه, 15 نومبر 2011
  • کابل: په ځانمرګي بريد کې ۱۳ بهرني سرتېري ووژل شول

    شنبه, 29 اکتوبر 2011