Mon01222018

وروستی بدلون11:59:55 غ.م.


شاته خبرونه ټول خبرونه د سيمي خبرونه کراچۍ: له څلور ورځنيو شخړو وروسته وضع د آرامۍ په لور ده


کراچۍ: له څلور ورځنيو شخړو وروسته وضع د آرامۍ په لور ده [ويډيو]

  • پي‌ډي‌ایف
شنبه، 18 چنګاښ 1390 | وخت: 21:18

په کراچۍ کې قومي شخړيد پاکستان د کورنيو چارو وزير رحمان ملک نن يک شنبه خبريالانو ته وويل چې پاکستاني ځواکونو د کراچۍ هغه سيمي چې وسله والو ډلو په ولکه کې نيولې وې بېرته تر واک لاندې راوستې دي.

هغه دا هم وويل چې تر سلو ډېر کسان يې د وروستيو پېښو په تور نيولي دي.

په کراچۍ ښار کې د څلور ورځنيو قومي شخړو په ترڅ کې نږدې سلو کسو ژوند له لاسه ورکړی دی او تر سلو ډېر نور کسان ژوبل شوي دي.

په وژل شويو کسانو کې ښځي او ماشومان هم شامل دي. د پښتنو د عوامي ملي غورځنګ د کراچۍ د سيمي مشر د جمعې په ورځ له خيبر ټلويزيون سره په خبرو کې وويل چې د متحده قومي غورځنګ وسله والو کسانو په ډېر شمېر د کراچۍ پښتانه اوسېدونکي وژلي دي. د هغه په وينا په دغو وژل شويو کسانو کې يو شپږ کلنه نجلۍ او څو مېرمني هم شاملې دي.

د فرانس پرس د خبري آژانس د خبر له مخې نن سهار هم يو دوولس کلن ماشوم د دغو شخړو په پايله کې وژل شوی دی. ويل کېږي چې د دغو شخړو ډېری قربانيان پښتانه دي.

ځيني خپرې شوې ويډيوګانې ښيي چي د متحده قومي غورځنګ وسله وال ټروريسټان د کراچۍ ښار په يوه روغتون کې پر پښتنو بريد کوي او هغوی په وهلو سره وژني. دا له سلګونو ويډيوګانو څخه يوه ويډيو ده چې غواړو د غورځنګ ويبپاڼي لوستونکو ته يې وړاندي کړو.

په کراچۍ کې قومي شخړي وروسته له هغه را ولاړې شوې، چي د متحده قومي غورځنګ (MQM) په نامه د پاکستان سياسي ګوند له حکومتي ايتلاف څخه ووت.

کله چې دغې ډلي حکومت پرېښود نو له حکومت نه د غچ اخستلو لپاره يې په پراخو قومي وژنو لاس پوري کړ.

پاکستاني حکومت تر دې دمه په کراچۍ ښار کې د پښتنو د ساتني لپاره هيڅ ګام نه دی اخستی.

په لوی شمېر پښتني کورنۍ دا مهال له کارچۍ څخه کډوالې شوې دي او د پاکستان په نورو سيمو کې د غربت ژوند تېروي.

تر دې وړاندې هم په څو واره  په کراچۍ ښار کې د متحده قومي غورځنګ او د پښتنو د ملي عوامي ګوند د پلويان تر منځ شخړي را پيدا شوې دي. متحده قومي غورځنګ په کراچۍ ښار کې د پښتنو د اوسېدلو مخالفت کوي او په دې موخه يې په وار وار شخړي را پيدا کړې دي.

وروستي خبرونه

د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

دهلمند ولایت دمطبوعاتي دفتر یوه خبرپاڼه وايي دغه بريد د سه شنبې په ورځ مازديگرد څلوروبجوپه شاوخوا كې...

مصر: اخوان المسلمین له خپلو سيالانو د راي-شمېرنو د منلو غوښتنه وکړه

د اخوان المسلمين ګوند چې د مصر د پارلماني ټاکنو په لومړي پړاو کې يې نږدې ۶۲ په سلو کې څوکۍ خپلې کړې ...

لوګر: په ځانمرګي بريد کې ۷۰ ملکي وګړي ټپيان شوي

نن جمعه د سهار په اتو بجو او دېرشو دقيقو د لوګر ولايت په محمد آغې ولسوالۍ کې د بهرنيو ځواکونو پر مرک...

دوديزه لويه جرګه به سبا په کار پيل وکړي

له پلان سره سم ټاکل شوې دوديزه لويه جرګه سبا د لړم په پنځه ويشتمه د لويي جرګې په خيمه کې په کار پيل ...

کابل: په ځانمرګي بريد کې ۱۳ بهرني سرتېري ووژل شول

نن غرمه مهال د کابل د دارالامان قصر ته څېرمه د بهرنيو ځواکونو پر کاروان يو ځانمرګی بريد ترسره شو. په...

  • د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

    چارشنبه, 28 دسمبر 2011
  • مصر: اخوان المسلمین له خپلو سيالانو د راي-شمېرنو د منلو غوښتنه وکړه

    شنبه, 03 دسمبر 2011
  • لوګر: په ځانمرګي بريد کې ۷۰ ملکي وګړي ټپيان شوي

    جمعه, 02 دسمبر 2011
  • دوديزه لويه جرګه به سبا په کار پيل وکړي

    سه شنبه, 15 نومبر 2011
  • کابل: په ځانمرګي بريد کې ۱۳ بهرني سرتېري ووژل شول

    شنبه, 29 اکتوبر 2011