Wed01242018

وروستی بدلون11:59:55 غ.م.


شاته نوري ژبي نوري ژبي ازبیکی علي شيرنوائي نينگ شخصيتي واوکيشي نينگ ايجادياتي حقيده قيسقه معلومات


علي شيرنوائي نينگ شخصيتي واوکيشي نينگ ايجادياتي حقيده قيسقه معلومات

شنبه، 28 غبرګولی 1390 | وخت: 20:07

اميرعلي شيرنوائي تاريخ بوييچه توقيزينچي هجري قمري عصرهرات تيموري لردوريده علم ومدنيت وادبيات نينگ اوجي گه يتيشگن يارقين دوره حسابلنه دي بودوره ده شعروادب دين بولک خطاط ليک، نقاش ليک،

ميناتورليک،موسيقي وباشقه هنرلرهم اوزي نينگ خاص ترقي مرحله سيگه يتيشگن ايدي البته بوترقيات تيموري لردوريده تصادفي بولمي بلکه غياث الدين منصورنينگ اوغلي سلطان حسين ميرزا بايقرا واونينگ دانشمند، علم پرور، مبارزوهنردوست وزيري اميرعلي شيرنوائي (فاني) تلاش وزحمت چيکيشي بيلن صورت تاپگن دور.

 

بودورنينگ هنروادبياتي نينگ آلدين کيتيشي ني ابوالفاري سلطان حسين بايقرا و اينقسه اميرعلي شيرنوائي کوششي دن بيلورلرحقيقت ده بولرزمانيده هرات علم ومعرفت کانوني بوليب، نورالدين عبد الرحمن جامي، بنايي معروف نقاش لراوجمله دن استاد بهزاد شول عصرده اورته گه کيليب هرقيسي لري اوحصه لريده جاويد اثرلر يرتگن لر.

اگرچه تيموري لرسلاله سي هم علم وفرهنگ وشعروادب گنجينه لري ني اوستيريش وکوچيتيريش اوچون هرتمانله مه تلاش لرقيلگن لراما سلطان حسين بايقرا وعلي شيرنوائي عصريگه يتيشيب بيلميدي.

عليشيرنوائي 844 نچي هجري قمري ييل رمضان آيي نينگ 17 نچي سيده 1441م ييل گه مطابق هرات ده توغيلدي آته سي غياث الدين کيچکينه بخشي هرات چغتايي اولوسي دن بوليب معنيدار ايدي، آنه سي کابل اميرزاده لريدن بيري شيخ ابوسعيد چنگ قيزي ايدي آته بابه لري تيموري لرسراييده بويوک منزلتگه ايگه ايدي لر.

اميرنوائي ياشليگده تيموري شهزاده لربيلن مکتب گه باريب اينقسه ادبيات گه قيزيقه دي حضرت نوائي نينگ خانواده سي ادبيات گه علاقمند کيشي لردن بوليب تغه لري ميرسعيد کابلي ومحمد علي غريبي مهارتلي شاعرلردن ايدي لر.

حضرت اميرنوائي 10-12 ياش لريده دستليگي شعرلريني ايتيش بيلن شاعرلرو عالم لرتوجه سي ني تارتدي، عليشيرنوائي ياش ليگيده آته سي ني قولدن بيردي او معرفت پرور حاکم ابوالقاسم بابرنظري آستيده تربيه لندي . اميرنوائي تحصيليگه دوام بيريب، منطق، فلسفه، رياضيات وباشقه بيليم لرنينگ قونت بيلن اورگندي اوزبيک وفارسي تيل لريده شعرايتيش بيلن ايکي تيل نينگ اتاقلي شاعري بوليب شهرت تاپدي اوازوبيک تيلي ده شعرلريده نوائي تخلص نينگ اوزيگه اختيارايتيب وفارسي شعرلريده فاني تخلص دن ايش آلرايدي.

متداوله بيليم لردن بولک فن لرواوظريفه صنعت لرده استادليک درجه سيگه کوته ايلدي اوچيرايليک خط بيتردي تذهيب وتصويرفنيگه يخشي توشينيب موسيقي ده همه دن ايلگري ايدي وکوپينچه سازلرنينگ بيلرايدي .

اميرالکلام حضرت عليشيرنوائي بيليم ومدنيت بويوک مرکزي بولگن سمرقند گه باريب بويوک بيليمدان (فضل الله ابوالليسي) مدرسه سيده باشقه علم لرنينگ تکميليگه اورينه دي .

حضرت نوائي 873نچي هجري قمري ييليده سلطان حسين بايقرا نامه سي آرقه لي قيلگن دعوتيگه باقه هرات گه کيلدي، سلطان حسين اوشبوتدبيرلي ونفوذ لي ذات نينگ هرات گه کيليشي دن شادبوليب اوزيگه شهردارقيليب تعيين له دي و876 نچي هجري قمري ييلده سلطان حسين بايقرانوائي نينگ اميرليک(وزيرليک) وظيفه سيگه کوته ره دي حضرت نوائي يلغوزگينه نصب ايمس بلکه ايل اولوس فکريده بوليب اولر گه يقين دن خدمت قيليش بيلن قووانه دي.

عليشيرنوائي 892 نچي ييل دن سونگ ايجادي ايش لريگه اورينيب ترکي ادبي تيليني اوستيريش وکته بديعي اثرلريده تيل وباشقه مهم مسأله لرنينگ ياايتيش وظيفه سي ني اوزآلديگه قويدي .

حضرت نوائي 1480-1501 م ييل اراسيده بيرقنچه علمي وبديعي اثرلر(خمسه، خزاين المعاني، محاکمه اللغاتين ...) سينگري اثرلري بيلن جهان ادبياتي خزينه سيده کته ومهم حصه قوشدي.

اولوغ شاعر،عالم ومتفکرحضرت اميرعليشيرنوائي اوتوزدن آرتيق بديعي وعلمي اثرلرواخلاقي رساله لرميراث قويگن، او906 نچي هـ . ق ييل جمادي الثاني اون ايکنچي سيده هرات شهريده وفات ايتيب گوهرشادبيگم مدرسه سي يقينيده گي هرات مصلي سيگه دفن بولدي. اميرکبير ميرعلي شيرنوائي بيربيليمدان وزيروسياستمدار بوليب خيرانديش ليکغه شهرت قازانيب شاعرلرممدوحي بولگن اوزعصري نينگ مشهوروتنيقلي عالم واديب لرني مولانا نورالدين عبدالرحمن جامي، حسين واعظ کاشفي هروي، دولتشاه سمرقندي بنايي هروي اولوغ نوائي حقيگه اوزاثرلريني يازيب اوکيشي دن يخشي ليک بيلن يارقيلگن لرچنانچه بنايي ايته دي:

 

ميرعلي شيرانگه دراين وصف صورت نام اوست دراذهان

الملقب به صاحب خيرات المقرب به حضرت خاقان

 

نورالدين عبدالرحمن جامي اوزخردنامه اسکندري اثريده اميرالکلام عليشير نوائي شخصيتي حقيده موندي ديب يازگن:

 

به ترکي عجب نقشي آوردعجب که جادووکان رابومهرلب

ببخشودبه فارسي گوهران به نظم دري درنظم آوران

که گربودي آنهم به لفظ دري نماندي مجال سخن گستري

به ميزان آن نظم معجزتمام نظامي که بودي وخسروکدام

چوبرزبان ديگرنکته راند خردرابه ميزان شان ره نماند

 

حقيقت ده هم حضرت نوائي ترکي تيل وادبياتي ني کينگيتيريب اونينگ کمال گه يتيشتيرگن شوکبي دري تيلده هم استادلبيب فوق العاده اثرلريازگن، منه شوييرده حضرت نوائي نينگ يرتگن اثرلريني يوقلب اوته ميز:

 

الف- ( نوائي نينگ ترکي منظوم اثرلري)

1- غرايب الصغر: اوشبواثرنوائي نينگ ييگرمه ياشدن ايلگري ايتيلگن اثري دور که اونده جمعاً 5718 بيتي باروبومصرع بيلن باشلنه دي:

 

اشرقت دن عکس شمس الکأس انوارالهدي

يارعکسين ميده کورديب جام دين چيقدي صدا

 

2- نوادرالسباب: بواثرنوائي نينگ 20-35 ياشليک پيتيده ايتيليب 5423 بيت و بيرمصرع دن عبارت دوروبوبيت بيلن باشلنه دي:

 

زهي ظهورجمالينگ قوياش کبي پيدا

يوزينگ قوياشيغه ذرات کون اولوب شيدا

 

بدايع الوسط: نوائي بواثريني 35-45 ياشليک اراسيده يازگن بواثر5420 بيت دن عبارت بوليب بوبيت بيلن باشلنه دي :

 

اي نوبهارعارضينگ صبحيغه جان پرورهوا

آندين گل وبلبل تاپيب يوزبرگ بيرله مينگ نوا

 

4- فوايد الکبرا: نوائي اوشبوکتابي نينگ 45-60 ياش لراراسيده يازگن بواثرجمعاً 5888 بيت وبيرمصراع بوليب قوييده گي بيت بيلن باشلنه دي :

 

اي ييتي منظرطرحيه معمارصنعونگرين بنا

مصنوع لرقاني ولي مسلوب صانع دين فنا

 

حضرت اميرعليشيرنوائي يوقاريده گي تورت ترکي ديواني نينگ(خزاين المعاني) ديب اته گن.

5- حيرت الابرار: بوکتاب اميرالکلام عليشيرنوائي نينگ بيرينچي مثنوي اثري دورکه بونظم بيلن باشلنه دي:

 

بسم الله الرحمن الرحيم رشته غه چيکدي نيچه دريتيم

 

6- ليلي ومجنون: نوائي بومعتبرمثنوي سي نينگ اميرخسرونظامي گنجوي نينگ ليلي ومجنون داستان لريگه باقه نظم رشته سيگه کيلتيرگن بواثرده (3629) بيتي بارو بوبيت بيلن باشلنه دي:

 

اي يخشي آتينگ بيلا سرآغاز انجامي غاکيم ييتارسرآغاز

 

7- فرهادوشيرين: 5655 بيت دن عبارت بوليب قوييده گي بيت بيلن باشلنه دي:

 

بحمدک فتح ابواب المعاني نصيب ايت کونگلوما فتح اولماغ آني

 

بواثرلاتين،روسي،اوکرايني تيل لرده هم چاپ بولگن.

 

8- سبعه سيار: بواثري نوائي نينگ 5000 بيت ليک تورتينچي مثنوي سي دور بوکتاب قوييده گي بيت بيلن باشلنه دي:

 

بولدي چون بورقم ايشي تيار قويدوم آتيني سبعه سيار

بولدي چون بورقم ايشي تيار قويدوم آتيني سبعه سيار

 

9- سد سکندري: حضرت نوائي نينگ بيشينچي مثنوي اثري دورکه بيرينچي بيتي موندين عبارت:

 

خدايا مسلم خداليک سنگا بيروشه که دأبي گدا ليق منگا

 

10- لسان الطير: بواثرشيخ فريدالدين محمد عطارنيشاپوري منطق الطيراثري نينگ ترکي چغتايي ترجمه سي دورحضرت نوائي بوکتاب ده اوزيگه فاني تخلص ني مناسب کورگن .

 

11- مثنوي سراج المسلمين: بوکيچيک مثنوي ايکي يوزبيت دن عبارت بوليب اوشبو بيت بيلن باشلنه دي:

 

توقوزيوزوبيش دا بيرفرخنده فرزند ادب بيرله تواضع دن برومند

 

12- حديث الاربعين: (قرق حديث) حضرت پيغمبر(ص) قرق حديثي نينگ ترجمه سي دور.

نظم الجواهر: بواثراميرالمومنين حضرت علي کرم الله وجهه که منسوب نثراللساکي نينگ منظوم ترجمه سي دورنوائي بواثرني عزيزدوستي حسين بايقراگه بخشلگن.

 

14- پندنامه:

الف- حضرت نوائي اثرلري نينگ ايريم خطي نسخه لري اراسيده تاپيلگن کيچيک رساله دور. استادبرتلس اوني نوائي دن دييدي.

ب- علي شيرنوائي نينگ ترکي منثوراثرلري:

1- نسايم المحبه في شمائم الفتوه: عليشيرنوائي بواثري ني 901نچي هـ.ق ييلده مولانا جامي نينگ نفحات الانس کتابي دن ترکي تيل گه ترجمه قيليب نسايم المحبه آت قويگن.

2- مجالس النفايس: بوکتاب سيکيزمجلس دن عبارت بوليب توقوزينچي هـ.ق عصر شاعر لرينينگ تذکره سي حقيده دور.

3- محاکمه اللغاتين:نوائي بوارزشلي وقيمت بها کتابي نينگ 905 نچي هـ.ق ييل يعني وفات لريدن بيرييل ايلگري تأليف قيلگن لر.حضرت نوائي بوکتابيده فارسي تيلده معادلي بولمگن يوزترکي سوزآت توته دي.

4- خمسه المتحيرين:اميرالکلام عليشيرنوائي مولانانورالدين عبدالرحمن جامي وفاتيدن کيين اوکيشي نينگ حياتي واوزي بيلن بولگن مناسبتي اوچون بيرکتاب بيتيدي اونينگ آتي ني خمسه المتحيرين قويدي.

5- محبوب القلوب: اميرخسرودهلوي نينگ انيس القلوب اثري توغريسيده يازيلگن نوائي نينگ يخشي اخلاقي واجتماعي اثرلريدن بيري سنله دي موضوع سي مردم صنف لري ارتباطيده دور، بوکتاب 906 نچي هـ.ق ييلده تأليف بوليب حضرت نوائي نينگ آخرگي اثري ديب بيله ميزعليشيرنوائي نينگ بشقه ارزشلي اثري ترکي عروضي نينگ بيرينچي کتابي بولگن ميزان الاوزان دورواول حضرت نينگ بشقه بيراثري( وقفيه) بوليب 886 نچي هـ.ق ييلده يازيلگن شوکبي بشقه بيرمشهوراثري منشأ ت دوربوکتاب مولانا جامي دن پيروليک بوليب بيتيلگن. بوکتاب ده انبيا وحکما تاريخي واوتگن پيغمبرتاريخي يازيلگن نوائي نينگ قالگن اثرلري تاريخ ملوک عجم، حالات سيد حسن اردشير، حالات پهلوان محمدسعيد، مناجات نامه، خطبه دواوين،زبده التواريخ وفاني تخلص بيلن يازيلگن آلتي مينگ بيت ليک فارسي ديواني وشوکبي مفردات ومعما،قصه شيخ صنعان وبدايع اللغه دور.

محمد نعیم غفوری

د بابر د کلتوری انجمن له پاڼې څخه

وروستي خبرونه

د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

دهلمند ولایت دمطبوعاتي دفتر یوه خبرپاڼه وايي دغه بريد د سه شنبې په ورځ مازديگرد څلوروبجوپه شاوخوا كې...

مصر: اخوان المسلمین له خپلو سيالانو د راي-شمېرنو د منلو غوښتنه وکړه

د اخوان المسلمين ګوند چې د مصر د پارلماني ټاکنو په لومړي پړاو کې يې نږدې ۶۲ په سلو کې څوکۍ خپلې کړې ...

لوګر: په ځانمرګي بريد کې ۷۰ ملکي وګړي ټپيان شوي

نن جمعه د سهار په اتو بجو او دېرشو دقيقو د لوګر ولايت په محمد آغې ولسوالۍ کې د بهرنيو ځواکونو پر مرک...

دوديزه لويه جرګه به سبا په کار پيل وکړي

له پلان سره سم ټاکل شوې دوديزه لويه جرګه سبا د لړم په پنځه ويشتمه د لويي جرګې په خيمه کې په کار پيل ...

کابل: په ځانمرګي بريد کې ۱۳ بهرني سرتېري ووژل شول

نن غرمه مهال د کابل د دارالامان قصر ته څېرمه د بهرنيو ځواکونو پر کاروان يو ځانمرګی بريد ترسره شو. په...

  • د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

    چارشنبه, 28 دسمبر 2011
  • مصر: اخوان المسلمین له خپلو سيالانو د راي-شمېرنو د منلو غوښتنه وکړه

    شنبه, 03 دسمبر 2011
  • لوګر: په ځانمرګي بريد کې ۷۰ ملکي وګړي ټپيان شوي

    جمعه, 02 دسمبر 2011
  • دوديزه لويه جرګه به سبا په کار پيل وکړي

    سه شنبه, 15 نومبر 2011
  • کابل: په ځانمرګي بريد کې ۱۳ بهرني سرتېري ووژل شول

    شنبه, 29 اکتوبر 2011