Wed11222017

وروستی بدلون11:59:55 غ.م.


شاته افغانستان د افغانستان مسايل سياست د لوگیو ترشا پټې لمبې


د لوگیو ترشا پټې لمبې [د نجيب منلي ليکنه]

چارشنبه، 25 غبرګولی 1390 | وخت: 17:21

نجيب منلیبن لادن امریکایانو په پېښور کې وواژه، الیاس کشمیري یې په وزیرستان کې. بې پیلوټه الوتکې هره ورځ په قبایلي سیمو کې د ژوندونو لو کوي. ترهګرو په کراچۍ کې او دیر کې خپل زور ښکاره کړ او پاکستان د تل په څېر چغې ووهلې چې ګواکې اوبه په بره خېژي او ترهګر پاکستان ته له افغانستانه ورځي.

دا هغه څه وو چې په دې تېرو څو ورځو کې یې د افغانستان، سیمې او نړۍ مطبوعات بوخت ساتلي دي. خو د ښکاره جګړې د تورو لوخړو ترشا ځینې کسان لګیا دي نوي اورونه بلوي. له څو میاشتو راهیسې په کورمه کې د پاکستاني استخباراتي اداره او په سیمه کې د هغې وسله وال لاس «کورم ملېشه» هڅه کوي چې د شیعه او سني په نامه توري او بنګښ د سېمې له نورو پښتني قومونو ، په تېره له منګلو، سره په شخړه واچوي. د ټل – پاړه چینار لار له مودو راهیسې تړلې ده. د کورمې د سیمې ځینو اوسېدونکو کولای شول خپل د ضرورت وړ توکي د افغانستان په سرحدي سیمو کې تر لاسه کړي، پاکستاني پوځ د کورمې د اقتصادي محاصرې د بشپړولو په موخه افغانستان ته تللې ټولې لارې تر خپل کنټرول لاندې نیولې دي او د خلکو د تګ را تګ په وړاندې خڼد شوی دی. د سیمې خلک که پېښور یا نورو ښارونو ته ځي نو په خورا لوړه بیه له دولتي هېلي کوپټرو استفاده کوي خو څو ورځې وړاندې چې یو پاکستانی چارواکی په همداسې یوې هېلي کوپټرې کې سپور و، پر چورلکې ډزې وشوې او په ځواب کې یې پر پاړه چینار او ورته څېرمه سیمو د برېښنا جریان د پاکستان د حکومت له خوا و درول شو چې شاوخوا شپږ لکه وګړي یې په دې سره اوړي د برېښنا له نعمته محروم کړل. د کورمې محصلین چې د پاکستان په مرکزي پوهنتونونو کې زده کړې کوي له اونیو راهیسې اعتراضي ناستې لري، ستونزه د پاکستان په پارلمان کې هم یاده شوې ده او د زرداري د ناستې تر خونې هم رسېدلې ده خو مطبوعات ترې یا بې خبره دي او یا یې په اهمیت نه پوهېږي.

د پېښور د سیمې پوځي فومندان یاسین ملک وایي چې په کورمه کې د شیعه او سني جنګ روان دی. دا د لوګیو د پردې تر شا عملیات څه مفهوم درلودای شي؟ له لسو کلونو راهیسې افغانانو، حکومت او ولس، چغې وهلې چې د تروریزم ځالې او سوق الجیشی مرکزونه نه په افغانستان کې دي او نه په قبایلي سیمه کې خو د امریکایي پوځیانو د موزو درزا او د پاکستاني استخباراتو د شورماشور له امله د چا غوږ ته نه رسېدلې. په دې وروستیو کې څو داسې پېښې وشوې چې د پاکستان لاس د غلا د مال په بوجۍ کې ونیول شو. امریکا د پاکستان حکومت ترفشار لاندې نیولی دی چې د ترهګرو پر ضد په جګړه کې ورسره ريښتنې همکاري وکړي او په وزیرستان کې د آی اېس آی له خوا ځای په ځای شوي ترهګر و ځپي، خو پاکستاني استخبارات په دې برخه کې دوې اندېښنې لري. یوه دا چې که په وزیرستان کې ترهګر وژل کېږي نو د دوی منافقانه سیاست ورسره په خپله افشا کېږي او بل که امریکا په خپله، یا د امریکا د فشار له امله د پاکستان اردو، خپل عملیات شدیدوي نو دا خطر شته چې په لږ وخت کې ګڼ شمېر هغه ترهګر چې آی ایس آی د پاکستان د ولس په وینو روزلي دي له منځه ولاړ شي. د شیعه او سني په نامه په کورمه کې په لوی لاس جوړ شوی جنګ به دې ته زمینه مساعده کړي چې یو شمېر ترهګر د پاکستاني استخباراتو په مرسته له وزیرستان څخه وایستل شي، په کورمه کې ورته خوندي ځایونه پیدا شي او له هغه ځایه د افغانستان پر ضد عملیات رهبري شي.

که امریکایي پوځیان، جاسوسي ادارې او سیاسي چارواکي د آی اېس آی د دغې دسیسې ښکار شي نو د ترهګرو له پاره د نوو پټنځایونو د لاس ته ورتلو له امله به یې ټولې هغه استخباراتي لاسته راوړنې شنډې شي چې په تېرو عملیاتو کې یې د ترهګرو د ځای ځایګي د میندلو په برخه کې درلودلې. همدا راز که افغان حکومت د یو بشردوستانه حرکت له مخې د کورمې او تیرا ملکي وګړو سره د ژوند د لومړنیو اړتیاوو د برابرولو په برخه کې همکاري و نه کړي نو د پاکستاني استخباراتو د دسیسو د بریالیتوب له پاره به یې لار اواره کړې وي.

دا یو زوړ جنګي تاکتیک دی چې پوځونه د دخپلو روانو اماده ګیو د پټولو له پاره اور بلوي او د لوګیو پردې جوړوي. باید پرې نه ښودل شي چې د اي اېس آی د لوګیو پردې په سیمه کې د ترهګرۍ ضد جګړې د مسوولینو سترګې ړندې کړي.



د دغه ليکوال ځيني نوري ليکني:

وروستي خبرونه

د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

دهلمند ولایت دمطبوعاتي دفتر یوه خبرپاڼه وايي دغه بريد د سه شنبې په ورځ مازديگرد څلوروبجوپه شاوخوا كې...

مصر: اخوان المسلمین له خپلو سيالانو د راي-شمېرنو د منلو غوښتنه وکړه

د اخوان المسلمين ګوند چې د مصر د پارلماني ټاکنو په لومړي پړاو کې يې نږدې ۶۲ په سلو کې څوکۍ خپلې کړې ...

لوګر: په ځانمرګي بريد کې ۷۰ ملکي وګړي ټپيان شوي

نن جمعه د سهار په اتو بجو او دېرشو دقيقو د لوګر ولايت په محمد آغې ولسوالۍ کې د بهرنيو ځواکونو پر مرک...

دوديزه لويه جرګه به سبا په کار پيل وکړي

له پلان سره سم ټاکل شوې دوديزه لويه جرګه سبا د لړم په پنځه ويشتمه د لويي جرګې په خيمه کې په کار پيل ...

کابل: په ځانمرګي بريد کې ۱۳ بهرني سرتېري ووژل شول

نن غرمه مهال د کابل د دارالامان قصر ته څېرمه د بهرنيو ځواکونو پر کاروان يو ځانمرګی بريد ترسره شو. په...

  • د موسى كلاولسوالۍ د ټولنيزې شورا رئيس له خپل زوى اولمسي سره ووژل شو

    چارشنبه, 28 دسمبر 2011
  • مصر: اخوان المسلمین له خپلو سيالانو د راي-شمېرنو د منلو غوښتنه وکړه

    شنبه, 03 دسمبر 2011
  • لوګر: په ځانمرګي بريد کې ۷۰ ملکي وګړي ټپيان شوي

    جمعه, 02 دسمبر 2011
  • دوديزه لويه جرګه به سبا په کار پيل وکړي

    سه شنبه, 15 نومبر 2011
  • کابل: په ځانمرګي بريد کې ۱۳ بهرني سرتېري ووژل شول

    شنبه, 29 اکتوبر 2011