|
د هرات چاودنه کې (10)مړه(30) نور ټپيان شوي |
|
|
|
ع.ن
|
|
نېټه : دوه نۍ ، د ۱۳۸۸ لمريز کال د زمری ۱۲ - مه |
|
د هرات ښار د ميويې پلورنې يوه مارکيټ ته نيږدې نن (دوشنبې) له لرې څخه د کنتروليدونکي بمب په چاودنه کې لږترلږه لس تنه وژل شوي او ديرش نور ټپيان دي. د رپوټونو له مخې د چاودنې اصلي موخه د هرات ولايت د انجيل ولسوال محمد عيسى وو. نوموړى له پيښې ژوندی راوتی خو کلک ټپي شوی او د درملنې له پاره د ناټو ځواکونو يوه روغتون ته ليږدول شوی دی. په وژل شويو کسانو کې د دوو پوليسو په ګډون يوه ميرمن، يوه پيغله نجلې او شپږ نور ملکي وګړي شامل دي. په چاودنه کې د پوليسو دوه موټره هم له ويجاړ شويدي. طالبانو د بريد مسووليت په غاړه اخيستی. دا په داسې حال کې ده چې څه موده وړاندې د طالبانو مشر ملا عمر د يوه قانون په خپرولو سره له خپلو کسانو غوښتي وو چې د ملکي وګړو امنيت ته ډيره پاملرنه او دهغوې له د مرګ ژوبلې مخنيوی وکړي.
|
