|
محصلين :په كابل پوهنتون كې په زاړه ميتود تدريس وركول كيږي |
|
|
|
عبدالله مياخېل
|
|
نېټه : پينځه نۍ ، د ۱۳۸۸ لمريز کال د مرغومی ۰۳ - مه |
دكابل پوهنتون یو شمیر محصلين دلوړو زده كړو په وزارت نيوكه كوي او وايي چې دهېواد دلوړو زده كړود درسي نظام په جوړولو كې پاتي راغلي .
دوى وايي اوس هم په پوهنتونونوكې د ډير پخواني وخت له درسي ميتود څخه كار اخيستل كيږي چې له اوس مهال سره هېڅ اړخ نه لګوي.
دلوړو زده كړو دوزارت چارواكي وايي پدې برخه كې يي هڅې پيل كړي خو ددغه ستونزې اوارې وخت او امكانانو ته اړتيا لري .
دكابل پوهنتو ن يوشمېر محصيلينو وايي چې دپوهنتونونو درسي ميتود ډير زوړ دي او بايد پدې برخه كې دوخت له اړتيا وو سره سم بدلون رامينځته شي .
دكابل پوهنتون دحقوقو اوسياسي علومو دمحصلينو اودافغان مېرمنو دټولنې له لوري پدې وروستيو كې دهېواد په پوهنتو نو كې دزده كړو دحالت په اړه يوه ټول پوښتنه تر سره شوي چې ددې ټول پوښتنې له مخې ګڼ شمېر محصلين دهيواد په پوهنتونونو په درسې نصاب او مېتود د دبدلون غوښتنه كوي .
تېره ورځ دولسي جرګې يوشمېرغړو هم دلوړو زده كړو له نوماند وزير څخه ورته غوښتنه كوله .
وكيلانو غوښتنه وكړه چې په پوهنتونونو او دلوړو زده كړو په نورو موسېسو كې هغه استادان په دندو وګمارل شي چې په پښتو اودري دواړو ژبو پوره واك ولري او د دواړو ژبو محصلين په ښه توګه وپوهوي .
دلوړوزده كړو د زارت تدريسي مرستيال پوهنوال محمد عثمان بابري دمحصلينو يادې ستونزې پرځاى بولي اووايي ددغو ستونزو اوراولو په موخه يي خپله پينځه كلنه كاري تګلاره مرستندويانو ته وړاندې كړي چې په پلي كيدو سره به يي اوسنيو ستونزو ته دپاي ټكي كيښودل شي .
همدا ډول دى زياتوي دلوړو زده كړو لپاره مو په يوه كريكولم هم كار كړى چې دا به هم په دې برخه كې ګټور تمام شي .
دلوړو زده كړو دوزارت چارواكي وايي چې ديوشمېر ستونزو تر څنګ لاس ته راوړنې هم لري .
دچارواكو په وينا په ډيرو پوهنتو نو نو كې يي دعصري ټكنالوژۍ اسانتياوې برابرې كړې او هڅه كوي چې دهېواد په ټولو پوهنتونو نو كې دزده كړو كيفيت لوړ كړي .
|
