متحده عربي اماراتو دعلي الشمسي په نوم  خپل يو ډېركارپوه اوپياوړى ديپلومات  دافغانستان او پاكستان لپاره  دخپل ځانګړي استازي په توګه وټاكه .

ټاكل شوې چې علي الشمسي  په همدې نږدې راتلونكي كې  افغانستان ته راشي او خپل كار پيل كړي .

ديادونې وړه ده چې  علي الشمسي اوسمهال په اردن كې ددې هېواد  دسفير په توګه دنده ترسره كوله او تر دې وړاندې ډېروخت  په پاكستان ددې هيواد سفير ووچې دافغانستان  چارې يې هم پرمخ بيولې .

علي الشمسي په پاكستان كې دخپل ديپلوماتيك ماموريت  په جريان كې ديوبريالي   او كار پوه ديپلومات په توګه ځلېدلى او مشهور شوى دى .

ده  په پاكستان كې  دخپل ماموريت په دوران كې  دافغانستان لپاره هم ډېر كارونه كړي او افغان دولت  او افغان ولس ته يې  ډېرې مرستې راجلب كړې دي  .

 دده په دوره كې دمتحده عربي امار اتو او افغانستان ترمنځ دسياسي او دوستانه اړيكو لپاره ډېر كار وشو .

باخبره سرچينې وايي  چې  په اسلام اباد كې دافغان سفارت په ملتيادده په هلوځلو له پاكستانيو زندانونوڅخه ۳۷۰۰تنه بنديان خوشې شويدي .

دافغانستان او پاكستان لپاره  د عربي متحده اماراتو  دځانګړي استازي په توګه دعلي الشمسي له ټاكل كېدو سره داهيلې پياوړي شوې دي چې دافغانستان او متحده عربي اماراتو اړيكې به نورې هم  دوستانه اوله افغانستان سره به ددوى   مرستې لا ډېرې شي .

همداراز هيله شته چې الشمسي به  دافغانستان دروانو ستونزوپه سياسي حل كې    ډېررغنده  رول ولوبوي .

علي الشمسي دافغانستان او پاكستان لپاره  د عربي متحده اماراتو لخوا په داسې حال كې  دځانګړي استازي په توګه ټاكل كېږي چې تر دې وړاندې  دمتحده ايالاتو  نوي ولسمشربارك اوباما، ريچارد هالبروك او لندن سرجرارد دافغانستان او پاكستان لپاره  دخپلو ځانګړيو استازو په توګه  ټاكلي دي  .

همداراز   داوروپايي ټولنې دځينو  هېوادونو په شمول  تراوسه ۲۵ هېوادونو دافغانستان لپاره خپل ځانګړي استازي  ټاكلي دي .