|
سي ان ان : په امريكا كې ډيرى خلك دافغانستان له جګړې سره مخالف دي |
|
|
|
عبدالله مياخېل
|
|
نېټه : پينځه نۍ ، د ۱۳۸۸ لمريز کال د مرغومی ۰۳ - مه |
دسي اين اين تلويزونې شبكې ديوې تازه سروي له مخې په امريكاكې ګڼ شمېرخلك د افغانستان دجګړ ې له دوام سره مخالف دي.
په دغه سروي كې داسې خلك هم شته چې دافغانستان لپاره داوباماله پلانونوسره دمخالفت ترڅنګ له دغه هېوادڅخه دوتلوغوښتنه هم كوي .
كه څه هم په افغانستان كې روانه جګړه په خپل بد وضعيت كې ده خو د امريكايي سرتېرو په شمېر كې لا زياتوالې نه ده راغلې .
سربېره پردې دامريكاګڼ شمېر خلك د دغه هېواد د ولسمشر بارك اوباما له دېرش زرو سرتېرو د لېږلو ملاتړ كوي .
د سي ان ان ټلويزونې شبكې په يوه تازه سروي كې چې په افغانستان كې يي ترسره كړې ويل شوي چې نهه پنځوس سلنه امريكايان د بارك اوباما له دېرش زرو سرتېرو د راليږلو پلان ملاتړ كړى خو نهه دېرش سلنه نور بيا د دغې ستراتېژۍ مخالف دي
سروې ليكلې چې ګڼ شمېر هغه خلك چې د اوباما له دغه پلان سره مخالف دي نه يوازي د امريكايي سرتېرو د را لېږلو سره مخالفت كوي بلكه د دوى د وتلو غوښتنه هم لري .
په دغه سروې كې دا هم ويل شوي چې پنځه پنځوس سلنه خلك په افغانستان كې د روانې جګړې پر ضد دي خو بل لور درو څلويښت سلنه نور بيا د امريكې له ماموريت نه ملاتړ كوي .
د سي ان ان سروې زياتوي چې د افغانستان په لسو كې درې تنه خلك په هيواد كې د روانې جګړې له پېل نه مخالف وو خو ګڼ شمېريې بيا په دوه زره لومړي كال كې له دغې جګړې ملاتړ كاوه خو دمګړې يې مخالفت كوي .
سروې زياتوي چې يوازې دامريكا اته لس سلنه خلك په دې اند دي چې امريكا به په روانې جګړې كې بريا لې شي خو دوه پر درې خلك نور بيا په دې اند دي چې امريكا به له ماتې سره مخ شي .
د سي ان ان په يوه بلې سروې كې چې د روان كال په نومبر مياشت كې ترسره شوې وه پنځه څلويښت سلنه خلك په افغانستان كې د روانې جګړې ملاتړ او دو پنځوس سلنه نورو بيا مخالفت كاوه .
|
