ټاکل شوي چې دراتلونکي پنج شنبې په ورځ دافغانستان لپاره په لندن کې کنفرانس جوړ شي،دخوست ولایت اوسیدونکي پدې کنفرانس کې په هیواد کې له وسلوالو طالبانو سره دروغې جوړې په خبرو ټینګار کوي

دلندان کنفرانس چې د روانې ميلادي مياشتې په اته ويشتمه به ترسره شي موخه يې په افغانستان کې د سولې ټنګښت، د وسلوالو طالبانو سره روغې جوړې پرسر خبرې اترې او په هيواد کې   د بيارغونې د بهير  ګړندي کيدل دي .

په يادشوي جوړيدونکي کنفرانس کې  د سيمې د هيوادونو په ګډون دمختلفو اوياوو هيوادونو استازي برخه اخلي.

خوست ميشتي هم ددغه کنفرانس څخه بيلابيلې غوښتنې لري او تر ټولو مهمه پدغه کنفرانس  کې د امنيت پرسر خبري بولې

دوی وايي ددې کنفرانس زیاته برخه دطالبانو سره خبرو ته ځانګړي شي  

په سيمه کې ليکوال ژورنالېست نوراجان بهير. په لندن کنفرانس کې دوه ټکي ډېر مهم دي .لومړۍ دا جې پدې کنفرانس کې افغان دولت ته داجنډا واک ورکړل شوى و هغه مسايلو باندې چې خبرې کيږي افغان دولت به يې انتخابوي. بل دا چې دافغان ولس يوې غوښتنې ته چې دتېرو څو کالو راهيسې يې درلو ده درناوى پکې شوى .هغه دجنګ پرځاى له وسلوالو طالبانو سره خبرې اترې دي. دخوست ميديوتيک ټولنيز مرکز مشرنجيب الله الوحيل له طالبانو سره خبرې ممکنې دي اودلندن په کنفرانس کې ځاى هم ورکړل شوى.بايد صادقانه کار ورته وشي.

دخوست يو بل اوسيدونکى عزيز له جنګ ستړي يو جګړه دلسګونه زره نورو عسکرواوټوپک نه حل کيږي. اوطالبانو سره خبرې وشي اودغه رازدافغانستان بوديجه په ښه اوشفاف ډول اسمعال شي 

له کلونو راهیسې په افغانستان کې له طالبانو سره دروغې جوړې خبرې کیږي خوډیری کتونکي  پدې اند دي چې دا خبرې یواځې شغاري بڼه لري اوپه عمل کې ورته هیڅ نه دي شوي