کابل(غورځنگ): افغان امنيتي ځواکونو د ائتلاف ځواکونو په مرسته په لوېديځ ولايت کندهار کې د نشه يي توکو يوه زېرمه موندلې او څو وسله وال يې هم نيولي دي.
د ائتلافي ځواکونو لخوا په خپره شوې يوه اعلاميه کې راغلي، ياد شوي نشه يي توکي او کسان د يو لړ عملياتو په پايله کې په چنارتو دره کې نيول شوي دي. د مالوماتو له مخې په عملياتو کې د طالبانو لخوا مقاومت هم شوى دى. کندهار د افغانستان له نارامو سويلي ولايتونو شمېرل کېږي چې په کې طالبان او د نشه يي توکو کاروبار فعال دى.