د کابل ښار د فوټبال غوره ليګ د شپږم پړاو سيالى د کابل بانک په برياليتوب پاى ته ورسيده . په دغو سياليو کې  د سه شنبې په ورځ د کابل بانک او سرې مياشتې لوبډلې سره مخامخ شوې . چې په پاى کې د کابل بانک لوبډلې يو پر صفر خپلې سيالې لوبډلې ته ماته ورکړه . ټاکل شوې د چهار شنبې په ورځ به جوانان ميهن او صلح لوبډلې سره مخامخ شي او د پنج شنبې په ورځ به د پامير او سباوون تر منځ لوبې وشي . په عين وخت کې د اردو لوبډلې پنځه لوبې کړي چې ټولې لوبې يي په برياليتوب پاى ته رسولې دي. دغه لوبډله د پنځلسو امتيازونو په لرلو سره د جدول په لومړى ليکه کې ځاى لري او د کابل بانک او سنايي لوبډلې په تر تيب دويم او دريم ځايونه خپل کړي دي .