د نړى د فوتبال د غوره لوبډلو په رده بندي کي چې د فيفا نړيوال فدراسيون له خوا د چهار شنبې په ورځ  ترسره شوې د برازيل ملي لوبډلي لومړى ځاى تر لاسه کړ . او همدارنګه د ارژاينټين او ايټاليا ملي لوبډلو په تر تيب سره دويم او دريم ځايونه خپل کړل .تيره مياشت د دغو ډلبنديو په وروستۍ ورځ ويتنام د نړى غوره لوبډله اعلان شوه.
په دغو لوبډلو کې د مکسيکو د فوټبال ملي لوبډله ستر ګې په لاره وه که څه هم تيره مياشت دغه لوبډله شپاړس  کرښې پر مخ تللې وه خو اوس د فيفا په رده پندۍ کې لسم ځاى لري . او د ويتنام د فوټبال ملي لوبډله چې د آسيا جام په رده بنديو کې لومړى لوبډله ده د فيفا سايټ له مخې پنځه ويشت ردې پر مخ تللې چې په نړى کې يوسلو اوم او په اسيا کې اتلسم ځاى لري . دغې لوبډلې په خپلو دوستانه سياليو کې هم ښې پايلې لاسته راوړې همدارنګه د آسيا د فوټبال په سياليو کې دغې لوبډله د اماراتو پر وړاندې ښه وځليده. کله چې د ويټنام لوبډلې د آسيا په سياليو کې يو څلورم پړاو ته ووتله د دغې لوبډلې لوبڅارى الفرد ريدل د ويټنام د خلکو په زړونو کې ځاى پيدا کړ .