|
د هر څه د مخه د ښځو د نړيوالي ورځي په مناسبت د خپل ځان او د خواخوږی ادبي او کلتوري ټولني د ټولو غړو لخوا د نړي او په ځانګړي توګه د افغانستان ربړيدلو، زوريدلو او غمځپلو ښځو ته مبارکي او ښي هيلي وړاندي کوم.
که د افغانستان د تاريخ بهير ته کتنه وکړو، زموږ د ميندو او خويندو وياړلي کارنامي اوسپڅلي هيلي تل پاتي دي لکه څنګه چي د نازو انا، زرغوني انا، بي بي عينو، د ميوند د ډګر اتله ملالي، بي بي مهرو، غازي ادي، بي بي صاحبه او نورو ځلانده نومونه زموږ د هيواد د وياړني په پاڼو کې په زرينو کرښو کښل سوي دي.
په ځاي به وي چي د هيواد څه د پاسه نيمي پيړي په سياسي بهير کې د هيواد ټولواکمني ثريا، آغلو اسما محمود طرزي، روح افزا طرزي، حميرا سلجوقي، رابعه شايق، عزيزه ګرديزي، رقيه ابوبکر، زينب، زرين نوري، معصومه عصمتي، صالحه اعتمادي، نفيسه شايق مبارز، کبرا نورزي (چي د هيواد په تاريخ کي لمړني ښځه وزيره وه او د شهيد ميوندوال صاحب په کابينه کې ګډون درلود) حميرا حميدي، لطيفه سراج، مستوره شال، سلطانه اميد، ساجده بڅرکي، کبرا مظهري، ډاکټره زرغونه رښتين زيور،حليمه سليمي، ماري ابوي، عاليه پوپل، وسيمه حکيمي، سامعه عبادي، ثريا، شکريه رعد، حبيبه عسکر، ماګه رحماني او نورو د يادوني وړ دي. خو په دغه تيرو دوه لسيزو کې د آغلو فاطمه ګيلاني، پوهانده ډاکټره سهيلا صديق، صديقه بلخي، ډاکټره سيما ثمر، انجنيره صديقه صديق، ډاکټره ستوري شمس، ليلا روشني، آمنه افضلي، شکريه بارکزي، ډاکټره ثريا رهين، جميله مجاهد، صفيه صديقي، ډاکټره ثريا خادم، پروين ملال، غوټي خاوري، سپوږمي ميوندي، پروين علي مجروح، فتانه ګيلاني، محبوبه حقوق مل، ډاکټره مسعوده جلال، ډاکټره حبيبه سهرابي، حميرا ولي، قمره اڅکزي، جنراله خاتول، راضيه نعيمي وردګ، تاجور کاکړه، ملکه ديانا امين، روشن څيړن، نفيسه کابلي، سائره شريف، فريده انوري، ثريا پوپل، وړانګه صافي، ناجيه بابکرخيل، انجيره ملالي اجتماعي، ستوري منګل، ډاکټره رابعه حياتي، ډاکټره نيلاب مبارز، فريده بهير، شکريه عزيز، سلطانه علومي، شهلا بلوڅ، نوريه پاينده، نوريه معروفي، عايشه عزيز او نورو نه ستړي کيدونکي هلي ځلي کړي دي چي د ستايني او کور وداني وړ دي. دغي بريالي آغلو په ډيرو ستونزمنده شرايطو کې د خطر په منولو سره، د ښځو او انجونو په ويښتيا او د ټولنيزو ژوندانه په چارو کي ګډون ته را بللي او روزني ورکړي دي. هان د طالبانو په واکمني کې هم په ځاي آرام ندي کښينستلي، خپل پټو مبارزاتو ته يې دوام ورکړي او په ټولنه کې ارزښتناک ځاي موندلي دي.
د طالبانو واکمني د ختميدو سره د افغانستان په منځمهال حکومت کې د دولت د رئيس مرستياله ډاکټره سيما ثمر او د روغتيا وزيره پوهانده ډاکټره سهيلا صديق د ټاکنو سره د هيواد و دموکراسي بهير ته ښه زيري ؤ.
د بيړنيو او اساسي قانون په لويه جرګو کې د ښځو فعال ګډون زموږ په هيواد کې نوي بريالي تجربه وه چي د اساسي قانون په لويه جرګه کې د آغلي ملالي جويا لخوا د ښځو د هيلو ږغ پورته کول، په نړي کې د افغانستان د ښځو د حق غوښتونو بيلګه ده.
د آغلي ملالي جويا ږغ ټولو ته څرګنده کړه چي افغاني ښځو پرته د بيري د خپل حق په ترلاسه کولو کې هيڅ کله پټه خوله نسي کښينستلي.
د هيواد په ډليئزي رسنو، د ټولنيز ټولنو او د خير ښيګنو موسساتو په مشرتابه کې د ښځو بر پوره برخه اخيستل او (٤٣) فيصدي راي ورکول زموږ د هيواد په سياسي ژوند کې نوي پړاو دي.
په تيرو اوو کلونو کې د ښځو د ژوندانه د ښه والي لپاره ګټور ګامونه پورته سوي دي يو څه شمير لوي او کوچني ټولني، خپلواکي موسسي، د هيواد د ښځو د علمي او فني پر مختګ او دوي ته د کار امکانات برابر کړي دي.
خو لا تر اوسه ښځو ته د وروسته پاتي جنس په سترګه ليدل کيږي، په کورنيوکې د سوچ، بيان او پريکړي حق ورته نه ورکول کيږي. لا ښځو په خپل اسلامي، کورني او ټولنيزو حقوقو نه پوهيږي.
د ښځو ټولنيز او اقتصادي ژوند ويجاړ پاته دي، په کلو او صحراو کې پخواني دودونه او رواجونه تر اوسه پوري سته چي زموږ د ميندو او خويندو لپاره د زغملو وړندي.
نو د افغانستان ښځي و ښووني او پوهني ته اړتيا لري.
په اوسني اساسو شيبو کې د ټولو ټولنيزو ټولنو او روڼ آندو دنده ده چي د دولت په تمه نه وي او خپله لاس په کار سي او په ټول هيواد کې د ښځو د اقتصادي، کلتوري او پوهي په برخه کې رښتيني بدلونونو لپاره فعال کار وکړي.
ګرانو خويندو!
افغانستان اوس بيا د يوي تاريخي پيښي په درشل کې دي چي هغه د ولسمشر ټاکنه ده چي د دوي ګدون د ولسمشر په ټاکنه کې به ډېر ښه رول ولوبوي.
د ولسمشر په ټاکنو کې ستاسو ګدون په افغانستان کې د دموکراسي بهير لا پياوړي کيږي.
باور لرم چي د ترهګرو، جګړه مارانو او ټوپکوالو څخه زموږ ميندي او خويندي نه بيريږي ځکه چي په تيرو ټاکنو کې د سولي دشمنان په خپلو ګواښنو کې پاته راغلل او ښځو بيله کوم تشويشه په ټاکنو کې برخه واخستل، اوس به هم د لوي څښتن تعالي په مرسته په ولسمشري ټاکنو کې به خپلو ناوړو هيلو کې پاته راسي.
ستاسو ګدون، ستاسو بري ستاسو رايــــه، ستاســو حق په درنښت،
الحاج غرزي خواخوږی
د پېغلي ملالي ږغ
غوږ راته کښېږده اې ګرانه وروره دا څو خبري دي پر ما پوره زه يم ملاله ميوند مي کوره په اور د مينی سوې هر ګوره په پوه کمال دي ځان بختور که د جهل تيارې څه سر را بهر که واک دي د ځان که د زړګي سره اقتصاد، پوهه دي ښه که دلبره اټوم دوره ده وا وره خبره زمانه ولاړه د توري سپره په اخلاق، پوهه دي بڼ مثمر که د جهل تياری څه سر را بهر که د رب راضی يم چي هيله ناک يې هيواد لوړتيا ته تل په تپاک يې آرين نژاد يې په تومنه پاک يې اما افسوس کړم چي لږ بېباک يې خوب غفلت پرېږده ځان منور که د جهل تيارې څه سر را بهر که احتياج دي رفع، آزاد دي ځان که ډېر سخت مريض يې ژرسه درمان که صفت حرفت دی په يوه شان که خلاص له فشاره دي خپل وجدان که اوس لا ښه وخت دی ځان بهرور که د جهل تيارې څه سر را بهر که وګړي ګوره په کومه درومي پرې کوي هر ځای د جهل لومي ته لا تيروتی د پلار په نومی درته نارې کم د زړه له کومي والوزه هسک سه علم وزرکه د جهل تيارې څه سر را بهر که
ارواښاد استاد محمد ابراهيم خواخوږی
|
