|
حضرت صاحبه ! تر پرونه ستا استخارې چېرې وې؟ |
|
|
|
شهلا وردګ
|
|
نېټه : درې نۍ ، د ۱۳۸۸ لمريز کال د چنګاښ ۰۲ - مه |
ډېره په زړه پورې ده وايي چې ښاغلي حضرت د ولسشمرۍ د كانديدانو په اړه له ډېرو فكرونو او استخارو وروسته دا وپتېيله چې خپله رايه به تر كرزي جاروي. دليل يې دا ښيي چې ده ته خداى ج د كرزي د مناسب والي په اړه ځيني اشارې ورسولې. د ېته نو وايي حضرتي كمپياين. د حضرت مجد دي په دې نادرو خبرو سره ګڼو افغانانو ته تشويش پيدا شو چې دا زمونږ حضرتان خو هم په کمپاين بوخت شول که څه ؟ د ايران په ايت الله ګانو زمونږ نيوکې بېځايه دي ځکه هغوى ته تر افرادو ملي ګتې مطرح دي خو زمونږ حضرتان بيا عکس روان دي. دا هم خير خو ويره ده چې حضرت صيب له بړستنې خپلې پښې نورې اوږدې نه کړي. حضرت صيب ولې استخاره كړې ده؟ فكر كوم چې د افغانستان د برخليك په اړه له كانديدانو علاوه نور ډېر داسې اساسي ولې كړكيچن او بغرنج مسايل روان دي چې د افغانستان او نړۍ ټول سياست وال ورته هك پك حيران دي چې څه به كيږي؟ افغان ملت هم په ډېر تشويش كې دى چې په دې ګډوډ بازار كې به د افغانستان برخليك څه وي؟ د حضرت صيب د استخارې موخه دا ده چې ځان ته قناعت ورکړي چې آيا په راتلونکي حکومت کې به ده ته کومه څوکۍ رسيږي او که نه؟ يو وخت چې له ګوانتانامو او بګرام نه يو شمېر بنديان خوشې کېدل، نو حضرت صيب ويل چې ملګرو واک له مونږ سره نه دى او دافغانستان چارې د امريکا په واک کې دي. نو که د حضرت صيب استخارې سمه نتيجه ورکوي نو حضرت صيب ته هغه وخت په کار وه چې يوه استخاره يې کړې واى او افغانانو ته يې له دغه منجلاب نه د خلاصون لارښونې کړې واى. هغه د چا خبره د ده يې پرې څه ځکه کرزى په واک ناست و او ده ته څلور پنځه کاله پسته چوګۍ رسېدلې وه. اوس چې بيا ټاکنې کيږي نو بيا يي هغه درباني صيب د سرګردانې څوکۍ خوب ليدلى او د کانديدانو په اړه يې استخاره کړې ده. که پرون د افغانانو له پاکو احساساتو څخه ځينو حضرتانو ناوړه ګټه اخيسته خو د نن افغانان د پرون افغانان نه دي چې د هرچا په خالي خبرو تېروزي. افغانانو ته کرزى، مجددي، هغه او دغه مطرح نه دي. ځکه افرادو وښوده چې که ترپرونه يي د سرو پوځونو په ضد مبارزه کوله خو نن يې د نورو سرو پوځونو غېږې ته پنا وړې ده او ملت يې په دوه لارې کې پرېښود. بېشکه د افغان ولس لپاره د خپل هېواد برخليک اوازادي ډېره مهمه ده، نه کرزي او نه هم د مجددي( استخاري؟)
This email address is being protected from spam bots, you need Javascript enabled to view it
|
