دماسخوتن له فرض اوسنت لمانځه وروسته د وتر لمونځ کيږي وتر ځکه ورته وايي چې رکعتونه يې طاق دي د وترو د لمونځ حکم واجب دی رسول الله صلی الله عليه وسلم په نومړی لمانځه ډير تأقيد کړی دی .

(الوتر حقٌّ، فمن لم يوتر فليس منَّا (ابوداؤد 1419) يعنې وتر حق دي پس که څوک وتر ادا نه کړی له مونږ څخه نه دي .

د وتر لمونځ دری رکعته دی د نورو لمونځونو په قسم لومړی او دوهم رکعت يې ډک ادا کيږي يعنی له فاتحې سره سورت لوستل کيږي ،بيا په دريم رکعت کې د سورة فاتحه او کوم لنډ سورت يا څو آيتونو لوستلو وروسته به تکبير ووايي دواړه لاسونه به تر غوږونو پورته کوي بيا به دواړه لاسونه تر نامه لاندې وتړې اوپه خفيه آواز به دعای قنوت ووايي .

دعای قنوت له لوستلو ورسته به د الله اکبر په ويلو رکوع ته لاړشي رکوع ،سجدې اولکه د نورو لمونځونو په شان به لمونځ ختم کړي .

دعا قنوت : 

اَللهُمَّ اِنَّا نَسْتَعِيْنُکَ ،وَ نسْتَغْفِرُکَ وَنُؤْمِنُ بِکَ ،وَنَتَوکَّلُ عَلَيْکَ، وَنُثْنِیْ عَلَيکَ الْخَيرَ، وَنَشْکُرُکَ، وَلاَ نَکْفُرُکَ وَنَخْلَعُ، وَ نَتْرُکُ مَنْ يَفْجُرُکَ. اَللهُمَّ اِيَّاکَ نَعْبُدُ ، وَلَکَ نُصَلَّیْ ،وَنَسْجُدُ ،وَاِلَيْکَ نَسْعی، وَنَحْفِدُ، وَنَرْجُوا رَحْمَتَکَ وَنَخْشی عَذاَبَکَ اِنَّ عَذاَبَکَ بِالکُفَّارمُلْحِق .

(ای الله ! مونږ تانه د مرستی غوښتونکی يو، او له تانه د بخښنی غوښتونکی يو ، پر تا ايمار راوړو ،اوپر تا توکل کوو ،اوستا ښه تعريفونه کوو،اوستا شکر ادا کوو،ستا نا شکري نه کوو ،او څوک چې ستا نا شکري اونافرماني وکړې هغه پريږدو ،هيڅ اړيکې ورسره نه ساتو ،ای الله ! مونږ همدا ستا عبادت کوو ،همدا ستا لمونځ کوو او همدا ستا ته سجده کوو ،او همدا ستا به لور در څغلو،اوستا دحکم په ځای کولو لپاره تيار اوسو،اوستا د رحمت ليوال يو ،اوستا له عذاب ځنې په ويره کې يو ،يقيناً ستا عذاب کافرانو ته ور رسيدونکی دی ).

که څوک د دُعاقنوت د ويلو قدرت نه لري دهغه پر ځای به دری ځله د (ربنا اتنا فی الدنيا حسنة وفی الاخرة حسنة وقنا عذاب النار دعا وايي (عالمګيري او معلم دين ) .  

د دعا قنوت لوستل واجب دي چې که په هيره سره پاتی شي نو سجده سهوه لازميږي (مراقی الفلاح ) .